Главная

Богослужение в Неделю 1-ю Великого поста. Торжество Православия

Богослужение в Неделю 1-ю Великого поста. Торжество Православия

В нашем храме состоялось богослужение в Неделю 1-ю Великого поста.

Подробнее...

Соборование

Подробнее...

Вечернее богослужение в Прощеное воскресенье, чин прощения

Вечернее богослужение в Прощеное воскресенье, чин прощения

В нашем храме состоялось вечернее богослужение в Неделю сыропустную с совершением чина прощения.

Подробнее...

Богослужение в Неделю сыропустную

Богослужение в Неделю сыропустную

В нашем храме состоялось богослужение в Неделю сыропустную.

Подробнее...

Богослужение в Неделю о Страшном Суде

Богослужение в Неделю о Страшном Суде

 В нашем храме состоялось богослужение в Неделю о Страшном Суде.

Подробнее...

Новая экспозиция в Воскресной школе.

Новая экспозиция в Воскресной школе.

Постоянно действующая выставка художественных работ воспитанников Воскресной школы на этих днях обновлена. Ребята и девчонки посвятили свои рисунки и поделки наступающей весне и мамам.

Подробнее...

Богослужение в Неделю о блудном сыне

Богослужение в Неделю о блудном сыне

 В нашем храме состоялось богослужение в Неделю о блудном сыне.

Подробнее...

Подведены итоги городского конкурса вокалиста

28 февраля 2024 года были подведены итоги городского конкурса вокалистов среди учащихся ДМШ и ДШИ.

Подробнее...

Печать

От века XVIII до наших дней. История Смоленского собора

 

Смоленская икона Божией Матери В начале XVIII века, когда Белгород был не просто форпостом, но и духовно-административным центром огромной по протяженности Белгородской засечной черты, часовой полка Мефодий Иванов, несший вахту у восточных ворот крепости, стал свидетелем события, нашедшего отражение в «Повести о явлении чудотворной иконы Смоленския Пресвятыя Богородицы Одигитрии, явившейся в Белгороде…». Вот что гласит древнее сказание о времени и обстоятельствах прославления иконы Пресвятой Богородицы, доныне находящейся в Смоленском соборе г.Белгорода.

Подробнее...

Печать

Акафист

АКАФИСТ 
Пресвятой Владычице нашей Богородице в честь чудотворныя иконы Ея
«Одигитрии»
(«Путеводительницы») Белоградския, прославившейся 15 октября 1703 года

КОНДАК 1

Избранная от всех родов Небесных и земных Царице, Пресвятая Богородице Одигитрие, яко избавльшеся от мрака смерти вечныя, благодатию от Тебе рождшагося Христа, Бога нашего, и Твоим Матерним пред Ним предстательством, благодарственное пение возносим Ти, раби Твои. Ты же, Всемилостивая наша Наставнице, от тяжкаго сна душетленнаго нас пробуждай и ко Царствию Вышнему путеводствуй, да зовем Ти:

Радуйся, Одигитрие, Святаго Белогорья Похвало и Упование!

ИКОС 1

Архангельским гласом, Пречистая Владычице, воодушевленная, верныя доныне просвещаеши. Пресветлым явлением иконы Твоея ратный Белоград осияла еси и струи чудес от нея обильно источающи, радости духовныя исполняеши, да единым сердцем и усты тако воспоем Ти:

Радуйся, Бога Отца благоволением Осененная;
Радуйся, Бога Сына Мати Преблаженная;
Радуйся, Бога Духа Святаго Обитель нетленная;
Радуйся, Тройческия Тайны Вестнице, миру явленная;
Радуйся, лика ангельскаго Удивление;
Радуйся, рода человеческаго Прославление;
Радуйся, горняя с дольними Примирившая;
Радуйся, врата райския земнородным Растворившая;
Радуйся, Лествице, соединившая земная и небесная;
Радуйся, Стамно Богоприимная, чудесная;
Радуйся, Купино Неопалимая;
Радуйся, Трапезо, всею вселенною хвалимая;
Радуйся, Одигитрие, Святаго Белогорья Похвало и Упование!

КОНДАК 2

Видев Мефодий воин, врата белоградстии стрегущий, свет чудный, аки солнечный, во полунощи внезапу от иконы «Одигитрии» возсиявший, и свещу восковую на воздусе, от света того возжженную, со страхом и трепетом возопи ко Христу Спасу: Аллилуйа!

ИКОС 2

Разумом Твою волю познав, Царице Небесная, и трижды тщався загасити свещу, воспылавшую от пречуднаго явления иконы Твоея, Мефодий страж паде на колена своя, моляся пред нею до часа утренняго и, дивящеся чуду, возвести о сем другом своим, глаголя: «Дерзайте! Се бо Мати Бога нашего с нами есть!» О сем благодаряще Тя, Госпоже Преблагая, яко Пречистый образ Твой во просвещение и утешение нам даровала еси, велегласно поем Ти:

Радуйся, горних и дольних Царице;
Радуйся, ангелов и человеков Владычице;
Радуйся, принесшая миру умирение;
Радуйся, древния клятвы разрушение;
Радуйся, девства Вершино высочайшая;
Радуйся, смирения Долино глубочайшая;
Радуйся, Солнцем Правды мир озаряющая;
Радуйся, Божественною славою сияющая;
Радуйся, Света Невечерняго Мати Предвечная;
Радуйся, Раю сладости духовныя и сердечныя;
Радуйся, Вертограде, Богом насажденный;
Радуйся, Престоле живый, во век века утвержденный;
Радуйся, Одигитрие, Святаго Белогорья Похвало и Упование!

КОНДАК 3

Силою всепобеждающею вдохновляемии, людие белоградстии, услышавше о чуднем просветлении честнаго Лика Твоего, Владычице, на башне надвратней просиявшаго, исполнишася страха и трепета, припадоша ко иконе Твоей, Богородице. Такожде и мы из глубины души в покаянии взываем прославльшему Тя Богу: Аллилуйа!

ИКОС 3

Имеяше Тя Белоград воистину Правительницу Державную, Богородительнице, егда чудесным знамением достойно почитати пречистый образ Твой научающи, людем белоградским помощь и утешение подала еси. Темже молим Тя, Преблагословенная: якоже древле град наш дивно просветила еси, тако и нас, недостойных, посети и спаси от погибели вечныя предстательством Твоим пред Христом Богом, да, якоже вси роди, ублажаем Тя, вопиюще:

Радуйся, Белограда крепкое Ограждение;
Радуйся, Смоленскаго храма благодатное Возрождение;
Радуйся, страстей греховных Одоление;
Радуйся, врагов Православия посрамление;
Радуйся, воинов Христовых к победам Предводительнице;
Радуйся, в бедах Помощнице и Покровительнице;
Радуйся, Заступнице усердная к Тебе притекающих;
Радуйся, Славо проповедников, во благовестии не умолкающих;
Радуйся, мужей и жен в супружестве Хранительнице;
Радуйся, юношей и дев непорочности Учительнице;
Радуйся, яко Столп Огненный, мрак грехов разгоняющая;
Радуйся, яко Столп Облачный, пламень страстей угашающая;
Радуйся, Одигитрие, Святаго Белогорья Похвало и Упование!

КОНДАК 4

Бурею тяжцей болезни разслабления одолеваемая, жена некая Екатерина, слышавши о чуднем прославлении Твоея Смоленския иконы, по честнем изнесении ея священниками от градских врат и слезном молебном пении в дому ея пред образом Твоим, скорое исцеление получи, и вси людие, тамо бывшии, познавше, яко Ты еси воистину Целительница милосердная, прославляюще милости и чудеса Твоя, воспеша спасающему Тобою Богу: Аллилуйа!

ИКОС 4

Слышавше о чудесех Твоих преславных, Богородице Дево, от иконы Твоея во Белограде явленных, недоумеваем, како икона сия, попечением купца Семизорова благоукрашенная, по преставлении онаго благотворителя ко Господу, на стенах града в забвении пребывавшая, светом Божественным просияла и многих заблуждших в мире суетнем по воле Твоей озарила; направи убо, Владычице, и наша стопы на путь исполнения заповедей Христовых и научи нас творити святую волю Сына Твоего и Бога нашего, да зовем Ти сице:

Радуйся, Свеще Неугасимая;
Радуйся, Звездо Незаходимая;
Радуйся, светом Божественным Сияющая;
Радуйся, благодатию души верных Просвещающая;
Радуйся, мира Христова Благоухание;
Радуйся, Юже по Господе хвалит всякое дыхание;
Радуйся, Чаше, черплющая всему миру радость;
Радуйся, Источниче, изливающий вечную сладость;
Радуйся, Чертоже Царя царей благоукрашенный;
Радуйся, Пламеню чистый, Богом богов возженный;
Радуйся, Красото, рая краснейшая;
Радуйся, Зарнице, утра светлейшая;
Радуйся, Одигитрие, Святаго Белогорья Похвало и Упование!

КОНДАК 5

Боготечною Звездою Небесною осиянная, жена честная Мария, вестей о муже, во странствии сущем, не имеющи и сего ради скорбящи о нем и плачущи, трижды во сне гласом Божественным наставление получи. Оттоле живою верою неверие победивши и на Тя все упование возложивши, иде ко вратом Белоградским и, взявши честную икону Твою «Одигитрию», со другини в дом свой принесши и молитву пред нею совершивши, скорое и радостное известие о муже получи и благодарение Тебе от сердца принесе. Темже и мы благодарим Тя, о Госпоже Всемилостивая, и поем в Троице славимому Богу: Аллилуйа!

ИКОС 5

Видевше преславное заступление Тобою града Смоленска, Пречистая Владычице, прославляем велию Твою милость, еюже и наш град от многих бед и напастей спасаеши, егда гласом от иконы Твоея угодника Христова Меркурия на единоборство со предводителем рати агарянской Батыевой направила еси и воини православныя у Белоградских рубежей, на защишение Отечества Российскаго укрепила еси и славными победами увенчала еси, всесильными молитвами Твоими Небесными сподоби и нас на земли достойно взывати к Тебе:

Радуйся, мученика Христова Меркурия на подвиг ратный Вдохновившая;
Радуйся, воину Мефодию чудо от святыя Твоея иконы Явившая;
Радуйся, яко Давида над Голиафом, победою над неверием того Увенчавшая;
Радуйся, Белый град наш многократне всесильно Защищавшая;
Радуйся, земный удел Твой от разорения Избавляющая;
Радуйся, из плена и рабства Извлачающая;
Радуйся, страны Российския благодатное Утешение;
Радуйся, храма Смоленскаго благолепное Украшение;
Радуйся, души любящих Тя вечным радованием Возвеселяющая;
Радуйся, сердечныя печали Утоляющая;
Радуйся, болящих дивное Исцеление;
Радуйся, унывающих крепкое Ободрение;
Радуйся, Одигитрие, Святаго Белогорья Похвало и Упование!

КОНДАК 6

Проповедует страна Российская милости и чудеса Твоя, Пречистая Дево Богородице, и Святое Белогорие светло красуется, имуще во храме Смоленстем чудотворную икону Твою, еюже Ты всякия болезни исцеляеши и недужным здравие даруеши. Сего ради со благоговением почитаем цельбоносный образ Твой, Госпоже Преблагая, и, поклоняяся ему, яко знамению Твоего к нам благоволения, поем чрез Тебе и Тобою спасающему и исцеляющему Богу: Аллилуйа!

ИКОС 6

Возсиявши светом преестественным во Белограде икона Твоя «Одигитрия», место сие прослави, идеже благолепный храм сооружен бысть, Смоленским нареченный, в немже образ Твой, Пречистая Владычице, и доныне пребывает. К нему во столетия минувшия отцы наша благочестивыя в скорбех, болезнех и нуждех всяческих притекаху и обретаху вся, яже ко спасению прошения. Им последующе, и мы ныне к Тебе притекающе и с любовию образ Твой чудотворный благоговейно лобызающе, молимся: утоли печали наша, уврачуй недузи наша, да зовем Ти:

Радуйся, старцев в немощех Укрепление;
Радуйся, вдовиц Заступление;
Радуйся, облегчающая сирых страдание;
Радуйся, младенцев Воспитание;
Радуйся, убогих Возведение;
Радуйся, плененных Свобождение;
Радуйся, скорбящих Утешение;
Радуйся, девства Столп и Утверждение;
Радуйся, иноков Покровительнице;
Радуйся, инокинь Наставнице и Управительнице;
Радуйся, постников и подвижников Укрепление;
Радуйся, и в миру живущих ко благочестию Вразумление;
Радуйся, Одигитрие, Святаго Белогорья Похвало и Упование!

КОНДАК 7

Хотящи даровати Белограду, яко Живоносный Источник, неиссякаемую Благодать от святыя иконы Твоея, Владычице Всемилостивая, благоволила еси икону сию по стогнам града обносити и чудесы многими прославити. Егда же по молитвам верных чад Твоих, в сей дом Твой земный со образом славным таинственно возвращаешися, тогда на всяком месте шествия Твоего греховныя страсти укрощаеши, козни бесовския усмиряеши, страждущия недугами лютыми исцеляеши осенением чудотворныя иконы Твоея, пред неюже и мы с верою и любовию воспеваем немолчную песнь Богу: Аллилуйа!

ИКОС 7

Новыя священныя песни слагающе, с нимиже вкупе древния гимны воспевающе, чрез три столетия и ныне во Белограде храм Смоленский благоговейно хранит и чтет святое подобие чудотворныя иконы Твоея «Одигитрии», милости обильныя источающее верным. Под сенью ея, якоже под Твоим благодатным Покровом, люди православныя Утешаеши, в подвизех поста и молитвы Укрепляеши, Вдохновляющи непрестанно славити Матерния щедроты Твоя и благодарственно пети Тебе:

Радуйся, Богом возлюбленная Царице;
Радуйся, Бога возлюбившая Владычице;
Радуйся, едина в женах Благословенная;
Радуйся, Духом Святым Вдохновенная;
Радуйся, небесных Ликование;
Радуйся, земных Упование;
Радуйся, демонов Поражение;
Радуйся, ада Разрушение;
Радуйся, силою Вышняго Укрепленная;
Радуйся, Царице неба и земли, властию Облеченная;
Радуйся, воинствующим на плоть победы Подательнице;
Радуйся, подвизающихся в посте и безмолвии Предстательнице,
Радуйся, Одигитрие, святаго Белогорья Похвало и Упование!

КОНДАК 8

Странника себе, в мире суща, помышляя, заступник усердный земли Белоградстей – святитель Иоасаф ко иконе Твоей «Одигитрии», яко к источнику цельбоносному, припадая, радость и укрепление сил духовных и телесных от нея почерпаше. О крае Белоградстем со тщанием неусыпно молящеся пред честным образом Твоим, священномученики Никодим, Онуфрий и Антоний вкупе с ликом новомучеников и исповедников Белоградских, воистину Матернюю любовь Твою и всесильное во страданиих укрепление обретоша, да и мы ныне, Покровом Твоим защищаеми, вопием Богу: Аллилуйа!

ИКОС 8

Вся светлыми лучами чудес Твоих, Богородице Дево, благодатно просвещаеши нас и от святыя иконы Твоея «Одигитрии» укрепление духовное и телесное даруеши угодником Божиим. Нам же, грешным, в недузех исцеления неоскудеваемо от нея подаеши, да хваляще и благодаряще, зовем Ти:

Радуйся, иконою Твоею «Одигитриею» над Святым Белогорьем неугасимо Сияющая;
Радуйся, святым отцем, молитвенником усердным о земле нашей, во вся веки святый Покров Твой Простирающая;
Радуйся, святителя Иоасафа во служении и трудех Укреплявшая;
Радуйся, митрополита Макария в богословии Вдохновлявшая;
Радуйся, архиепископа Нафанаила на путь служения Благословившая;
Радуйся, архиепископу Феоктисту край наш, яко ниву для трудов просвещения Явившая;
Радуйся, священномучеников Никодима и Антония в подвизех исповедничества Прославившая;
Радуйся, обители и храмы покровом и попечением не оставившая;
Радуйся, всем ревнителям Православия помощь Твою святую Подающая;
Радуйся, всем обидимым, яко Заступница, Предстающая;
Радуйся, ненадеющихся Надеждо Предвечная;
Радуйся, печальных Отрадо сердечная;
Радуйся, Одигитрие, Святаго Белогорья Похвало и Упование!

КОНДАК 9

Всякими искушеньми и скорбьми обуреваемии, странники есмы на земли. Ты же, Едина Заступнице, яко звезда неугасимая, путь наш освещающи, мрак духовный разгоняеши. Памятуем и исповедуем, Владычице, Твое заступление, егда паде тьма великая на Святую Русь и поругание изливаша врази на веру Православную. Тогдаже Ты икону Свою святую «Одигитрию», яко свещу горящую на свещнице высоцем, воздвигла еси и, верных укрепивши, надежду на славную победу даровала им еси предстательством Твоим к Сыну и Богу, Емуже поем: Аллилуйя!

ИКОС 9

Витии суемудреннии вотще изливаху лживии глаголы своя на Церковь Православную. Мы же, Богопознанием просвещаеми, непрестанно поем хвалу образу Твоему «Одигитрии», ведуще, яко хвала сия, образу воздаваемая, на Первообразное восходит.

Ты же, благая Мати, веру и усердие наше приими, веси бо и любовь нашу, еюже сердца пламенеют, и милостивно услыши в простоте душевней возносимыя похвалы сия:

Радуйся, от всех родов ублажения Приемлющая;
Радуйся, скорби и печали мира Вземлющая;
Радуйся, в ризы позлащенны Облеченная;
Радуйся, Дево, от пророков Предреченная;
Радуйся, Бога Слова Скрижаль сияющая;
Радуйся, Обитель, Невместимаго Вмещающая;
Радуйся, благоволением Сына вечно Царствующая;
Радуйся, вся яже ко спасению людем Дарствующая;
Радуйся, к молениям верных Небеса Приклоняющая;
Радуйся, Любовию Божественною вся Соединяющая;
Радуйся, Купино, в Небеснем пламени явленная;
Радуйся, Горо, сошествием Божиим прославленная;
Радуйся, Одигитрие, Святаго Белогорья Похвало и Упование!

КОНДАК 10

Спасти от поругания икону Твою «Одигитрию» хотяще, во дни гонений лютых, егда храмы православныя бяху от богоборцев оскверняеми и разоряеми, архипастырие, пастырие, монаси и мирстии чада Церкве от мучителей истязаеми и убиваеми, людие белоградстии образ Твой, яко велию святыню, в домех своих тай укрываху, на Тя, едину Заступницу в бедах и скорбех, упование возлагающе, да и мы, помощию Божией, предстательством Твоим новаго помрачения духовнаго избегше, сподобимся в Царствие Небесное внити, в радовании вечнем воспевающе человеколюбцу Богу: Аллилуйя!

ИКОС 10

Стена еси необоримая веры Православныя, ревнителем всесильная Поборнице, сокровище целомудрия и чистоты, молим Тя: очисти ны от скверны душевныя и телесныя, украси души наша целомудрием и чистотою, да невреждени пребывающе от всех искушений мира, плоти и диавола, сподобимся достойно ублажати Тя песньми таковыми:

Радуйся, врагов Православия Обличительнице;
Радуйся, богоборцев и цареубийц грозная Смирительнице;
Радуйся, во дни гонений Заступнице всех на Тя уповающих;
Радуйся, Молитвеннице о всех, во злобе и духовнем помрачении пребывающих;
Радуйся, не ведающих, что творят, Вразумляющая;
Радуйся, о вдовах и сиротах попечение Являющая;
Радуйся, Предратнице защитников Православия;
Радуйся, Утешительнице терпящих клевету и бесславие;
Радуйся, во изгнании и плену сущих Свободительнице;
Радуйся, узников за веру Покровительнице;
Радуйся, Судии Праведнаго Умоление;
Радуйся, грешных с Богом Примирение;
Радуйся, Одигитрие, Святаго Белогорья Похвало и Упование!

КОНДАК 11

Пение наше приемлющи, во странствии земном многоскорбнем и безпокойнем, утешаеши и укрепляеши нас, Богородице, Матерним Твоим попечением и в годины бед и обстояний спасение и помощь являеши. Памятуем и славим Твое заступление, Владычице, егда полцы иноплеменныя, на Отечество наше напавше и Белоград, якоже и мнози грады и веси пленивше, разориша. Тогдаже Ты незримо помощь Свою с Небесе воинству Российскому подавала еси, молитвенным предстательством к Сыну Твоему и Богу, Емуже поем: Аллилуйа!

ИКОС 11

Светоприемная Свеще еси пресветлая, милость и щедроты излучающая, Всеблагая Мати Божия, воинству Российскому помощь и заступление многократне и многообразне являла еси. Рать иноплеменную с бесчестием от града Москвы отгнала еси. Не имущим же нам спасения надежды, яко и Белоград пленен и разорен бысть, икона Твоя «Одигитрия», во тьме смертней лучами жизни дивно сияющи, путь ко свобождению и Победе освещала есть. Памятующе и величающе всегда таковое Твое заступление, хвалебно Тебе воспеваем:

Радуйся, Отечество наше отнашествия иноплеменных предивно Свободившая;
Радуйся, силою Своею убийцы и грабители с бесчестием в бегство Обратившая;
Радуйся, рати вражией всесильная Победительнице;
Радуйся, воинства Российскаго державная Предводительнице;
Радуйся, воинов на сражение силою свыше Вдохновившая;
Радуйся, над Прохоровским полем брани образ Свой дивно Явившая;
Радуйся, изнемогавших в битве незримо Укреплявшая;
Радуйся, во брани за веру и Отечество надежду спасения Вселявшая;
Радуйся, Лествице чудная, душам воинов убиенных от земли к Небеси Восхождение;
Радуйся, матерей и вдов во скорбех Утешение;
Радуйся, сирот плачущих Заступление;
Радуйся, обездоленным Подающая под кровом Твоим вселение;
Радуйся, Одигитрие, Святаго Белогорья Похвало и Упование!

КОНДАК 12

Благодать Божия изливается в чудесех, преславно являемых от святаго образа Твоего, Преблагословенная Богородице Дево, имже и наша души просвети, мрак греховный разгоняющи сиянием Солнца Правды – Христа, да святою Твоею помощию преодолеем пучину страстей бесовских и искушений, ныне, якоже и прежде, на нас нападающих, и житие сие привременное поживем во всяком благочестии и чистоте и сподобимся блаженство вечное получити и со избранными воспети Богу: Аллилуйа!

ИКОС 12

Поюще Твоя чудеса, во Белограде явленная, молим Тя, Одигитрие Владычице: не отврати лика Твоего святаго от страны нашея, егда еретики и богоотступники на Отечество и Церковь Православную во множестве наступают и козни многоразличныя измышляют и творят. Мы же, к чудотворней иконе Твоей припадающе, молим Ти ся с верою, надеждею и любовию: буди нам Путеводительница благая ко светлому граду – Небесному Иерусалиму, да вся искушения победивше, вкупе со святыми сице воспоем Ти:

Радуйся, Царице наша Предвечная;
Радуйся, Радосте наша сердечная;
Радуйся, при Кресте Сына Твоего род христианский Всыновившая;
Радуйся, и нас на несение креста Вдохновившая;
Радуйся, заблуждших в мире сем суетнем к тихому пристанищу Направляющая;
Радуйся, во дни тяжких испытаний Едина надежду спасения нам Являющая;
Радуйся, во благих желания наша дивно Исполняющая;
Радуйся, вся, яже ко спасению нам Устрояющая;
Радуйся, Покровом Твоим страну Российскую Освящающая;
Радуйся, благодатию от иконы Твоея святыя Белоград Защищающая;
Радуйся, чистоту веры Православныя хранити Научающая;
Радуйся, пред образом Твоим люди в молитве Соединяющая;
Радуйся, Одигитрие, Святаго Белогорья Похвало и Упование!

КОНДАК 13

О, всепетая Мати, Царице Всемилостивая Одигитрие! Древле над Белоградом иконою Твоею в нощи чудесно просиявшая во еже просветити души помраченныя, и ныне не презри молений наших, но буди и нам Путеводительница и моли Сына Твоего и Бога нашего, да помилует нас, грешных и недостойных, и Твоим всесильным предстательством избавит нас от осуждения и мучения вечнаго, сподобит же Царствия Небеснаго достигнути и тамо со ангелы и ликами святых воспевати Богу: Аллилуйа!

(Сей кондак глаголется трижды, затем – икос 1 и кондак 1)

МОЛИТВА

О, царице Пресвятая, Христа Бога нашего Мати, любовию Твоею всех объемлющая, Пречистая Богородице Марие!

Приими сию молитву нашу, воистину едиными усты и единым сердцем, со умилением и надеждою ныне Тебе приносимую.

Веруем, якоже древле над Белоградом в нощи осенней пресветлая икона Твоя чудесно возсияла есть, духовный мрак забвения и маловерия чистыми лучами от образа Твоего просветляющи и от тяжкаго сна греховнаго души людей пробуждающи, такожде и ныне нас, грешных, в мире суетнем блуждающих, светом Твоим благодатным осияеши и из рова страстей изведеши, Путеводительнице наша, ко спасению единый путь Указующая.

Зряще ныне, Царице Небесная, яко волны губительныя на страну нашу устремишася, грозяще пучиною безбожия и страстей тую поглотити, молим Тя, Владычице: не остави нас и чад наших, в немощех душевных и телесных, без помощи Твоея. Умоли, Госпоже Пресвятая, Сына Твоего, Христа, Бога нашего, да сотворит нас достойными Царствия Небеснаго. Сего ради славим Тя, Одигитрие, яко Путеводительницу ко спасению нашему.

Во храм же благолепный, от иконы Твоея Смоленским нареченный, идеже древле образ Твой дивно прославися и ныне пребывает, благоговейно входяще, непрестанно будем, осеняемии Твоим благодатным Покровом, хвалити и превозносити святое и великолепое имя Отца и Сына и Святаго Духа, в Троице Единаго, славимаго и покланяемаго Бога, во веки веков. Аминь.

Печать

Вопрос настоятелю

Здравствуйте, Батюшка, 30 марта родительская будет или отменяется из-за Благовещения?
Здравствуйте Батюшка, подскажите насчет ситуации: Мой друг погиб, помогал мне в жизни очень много и теперь хочу молитвенно вернуть ему е...
СМОЛЕНСКИЙ СОБОР
308600, г. Белгород 
Гражданский проспект, 50 
тел.: +7 (4722) 277-654, 257-330
email: smsobor@mail.ru