26 ноября - день Свт. Иоанна Златоуста, архиепископа Константинопольского (407)
О, святителю великий Иоанне Златоусте! Многая и различная дарования от Господа приял еси и, яко раб благий и верный, вся данныя тебе таланты добре умножил еси, сего ради воистину вселенский учитель был еси, яко всяк возраст и всяко звание от тебе поучается. Мы же, грешнии (имена), по единому кийждо свое дарование имуще, единения духа в союзе мира не имамы, но бываем тщеславни, друг друга раздражающе, друг другу завидяще; сего ради дарования наша разделенная не в мир и спасение, но во вражду и осуждение нам являются. Темже к тебе, святителю Божий, припадаем, раздором обуреваеми, и в сокрушении сердца просим: молитвами твоими отжени от сердец наших всяку злобу, недоброжелательство, гордость и зависть, нас разделяющия, да во мнозех удех едино тело церковное невозбранно пребудем, да по словеси твоему молитвенному возлюбим друг друга и единомыслием исповемы Отца и Сына и Святаго Духа, Троицу Единосущную и Нераздельную, ныне и присно, и во веки веков. Аминь.
Святитель Иоанн Златоуст, архиепископ Константинопольский (IV–V вв.), — выдающийся богослов и проповедник, входящий в число трёх вселенских святителей. Он был знаменит своим красноречием, толкованиями Библии и аскетизмом. Обличая пороки власть имущих, он навлёк на себя гнев и был дважды несправедливо сослан. Смерть в 407 году застала его в изгнании со словами «Слава Богу за всё!». Позже, в 438 году, его мощи торжественно вернули в Константинополь.
